రాము, రాజు కలిసి స్టాక్ మార్కెట్లో పెట్టుబడులు పెడుతుంటారు. అందులో పదేళ్ళ అనుభవంతో సాలీనా 20–24% లాభాలు సంపాదిస్తున్నారు. ఆ విషయం తెలిసిన స్నేహితులు, బంధువులు తమ తరఫున పెట్టుబడి పెట్టమని వీరికి డబ్బిచ్చారు.
ఎక్కువ మూలధనం రావటంతో పెట్టుబడి ప్రణాళికను మరింత పటిష్టంగా తయారు చేసుకునే పనిలో పడ్డారు రాము, రాజు. ఒక హెడ్జ్ ఫండ్ మొదలుపెట్టారు.
రానున్న మూడేళ్ళలో ఇనుము, సిమెంట్, నిర్మాణ రంగాలలో నాణ్యమైన షేర్లు రాణించవచ్చని వారి విశ్లేషణలో తెలిసింది. అలా Tata Steel, JSW Steel, Ultratech Cement, Ramco Cement, L&T, Dilip Buildcon, KNR Constructions షేర్లు పెద్ద మొత్తంలో కొన్నారు. ఇంతవరకూ హెడ్జ్ ఫండ్, ఈక్విటీ మ్యూచువల్ ఫండ్ కార్యాచరణ ఒకేలా ఉంటుంది.
అయితే ఇక్కడో చిక్కు. పెట్టుబడి మూలధనం ఎక్కువయ్యే కొద్దీ ఒక స్టాక్ యొక్క స్వకీయ రిస్క్ కంటే పోర్ట్‌ఫోలియో సమిష్టి రిస్క్ ఎక్కువవుతుంది. ఆ రిస్క్‌ను వీలైనంత తగ్గించే విధానంలోనే మ్యూచువల్ ఫండ్‌కు, హెడ్జ్ ఫండ్‌కు ముఖ్యమైన తేడా.
ఒకవేళ 2008, కరోనా వంటి సంక్షోభం వచ్చి మార్కెట్లు కుదేలైతే మదుపర్లు భయపడి రాము, రాజులను తమ డబ్బు వెనక్కు అడిగే అవకాశమెక్కువ. అప్పుడు ఎక్కువ నష్టాలకు షేర్లను అమ్మివేయవలసి వస్తుంది.
అందుకే కాస్త ముందు చూపుతో రాము, రాజు వారు కొన్న షేర్ల ఫ్యూచర్లు షార్ట్ చెయ్యటం, ఫ్యూచర్లు లేని షేర్లకు ప్రతిరక్షగా నిఫ్టీ కాల్ ఆప్షన్లు షార్ట్ చెయ్యటం చేశారు. ఇదంతా షేర్ మార్కెట్లు పతనమయ్యే పరిస్థితికి పరిగణిత రక్షణను కొనటం అనుకోవచ్చు. ఇకపై మార్కెట్లు పతనమైనా ఆ ఫ్యూచర్లు, కాల్ ఆప్షన్లలో వచ్చే లాభం షేర్లలో వచ్చే నష్టాన్ని భర్తీ చెయ్యగలవు.
రాము, రాజు నడుపుతున్నది ఒక సరళమైన హెడ్జ్ ఫండ్.
సాధారణంగా పలు దేశాల రియల్ ఎస్టేట్, ప్రభుత్వ బాండ్లు, బంగారం, చమురు, పసుపు, కాఫీ, మార్కెట్లో లిస్ట్ అవ్వని సంస్థల్లో వాటాలు వంటి పలు సెక్యూరిటీలతో లాభాలను పెంచుకునే ప్రణాళికలు రచించుకుంటాయి హెడ్జ్ ఫండ్లు. ఇదంతా కూడా అభిజ్ఞ ఊహ మాత్రమే.
అయితే మ్యూచువల్ ఫండ్లతో పోల్చితే హెడ్జ్ ఫండ్లలో కొన్ని ముఖ్య వ్యత్యాసాలు:
- పెట్టుబడి అవకాశం కొందరికే.
- కనీస పెట్టుబడి మొత్తం చాలా ఎక్కువ (అమెరికాలో కొన్ని హెడ్జ్ ఫండ్లలో కనీసం వంద మిలియన్ డాలర్లు).
- నిర్వాహణ రుసుము ఎక్కువ. ఉదాహరణకు ఏటా మూలధనంలో 2% + 20 శాతాన్ని మించిన లాభాల్లో 15%.
- ప్రభుత్వ ఆర్థిక విధివిధానాల పరిధిలోకి రావు.
- పెట్టుబడుల వివరాలు బహు గోప్యం.
- నాణ్యమైన హెడ్జ్ ఫండ్లు నిలకడగా ఏటా 50 శాతాన్ని మించిన లాభాలు సంపాదించిన దాఖాలాలున్నాయి.
నిజానికి కొన్ని హెడ్జ్ ఫండ్లు కొన్నేళ్ళకు వారి ప్రణాళికతో వచ్చిన లాభాలతో మొదట పెట్టుబడి పెట్టిన వారికి లాభాలతో సహా వారి మూలధనం తిరిగిచ్చేసి ఆపై సొంతంగా మాత్రమే ఫండ్ నడుపుతారు.
ఉదాహరణకు ప్రపంచంలోని అత్యుత్తమ హెడ్జ్ ఫండ్ సంస్థ అయిన రినైసాన్స్ టెక్నాలజీస్ తమ మెడాలియన్ ఫండ్‌ను కేవలం తమ ఉద్యోగులకు మాత్రమే నడుపుతున్నారు. ఈ మెడాలియన్ ఫండ్ గత ముప్పై ఏళ్ళుగా ఏటా 66% లాభాలార్జిస్తోంది. ఈ సంస్థకు చెందిన విషయాలన్నీ ఎంతో గోప్యం. ప్రపంచంలోని అత్యంత కఠినమైన ఇంటర్వ్యూ ప్రక్రియ వీరిది అని ఫైనాన్స్ వర్గాల్లో నానుడి.
మన దేశంలో హెడ్జ్ ఫండ్ల ప్రణాళికల గురించి మరింత వివరణకు (ఆర్థిక అంశాలపై బాగా అవగాహన ఉన్నవారికి మాత్రమే!)
మన దేశంలో హెడ్జ్ ఫండ్లకు SEBI 2012లో అనుమతిచ్చింది. వాటిని ఇక్కడ Alternate Investment Funds(AIF) అంటారు. మన దేశంలో ఇప్పటి వరకూ రెజిస్టర్ అయిన హెడ్జ్ ఫండ్ల వివరాలు SEBI వెబ్‌సైట్‌లో చూడవచ్చు.
టూకీగా హెడ్జ్ ఫండ్ అంటే ధనవంతుల సంపదను మరింత వేగంగా పెంచే ఒక ప్రీమియం ఉత్పత్తి అనుకోవచ్చు.
గ్లోబల్ మాక్రో ఇన్వెస్టింగ్ స్ట్రాటజీని ఉపయోగించి హెడ్జ్ ఫండ్స్..,
1.రిస్క్-సర్దుబాటు రాబడిని సంపాదించడానికి గ్లోబల్ స్థూల ఆర్థిక మేనేజ్ మెంట్
2. షేర్డ్ లేదా కరెన్సీ మార్కెట్లలో గణనీయమైన పెట్టుబడులు తీసుకుంటారు
3. స్టాక్ మార్కెట్ ఇండెక్స్ కదలికల నుండి లాభం పొందే పెట్టుబడికి అవకాశాలను గుర్తించడానికి గ్లోబల్ మాక్రో ఫండ్ నిర్వాహకులు ప్రపంచ మార్కెట్ సంఘటనలు మరియు పోకడల ఆధారంగా స్థూల ఆర్థిక విధానాల ఉపయోగిస్తారు
4. మార్కెట్లలో విభిన్న పెట్టుబడులలో పెద్ద స్థానాలను తీసుకోవటానికి పరపతి ఉపయోగించగల సామర్థ్యం ఆకర్షణీయమైన, రిస్క్-సర్దుబాటు చేసిన రాబడిని సంపాదించడానికి వ్యూహాలు చేస్తార
