మీరు అమెజాన్‌తో కలిపి పని చేయాలని భావిస్తున్నారా? అయితే మీకు ఒక ఆప్షన్ అందుబాటులో ఉంది. అమెజాన్ ఫ్రాంచైజీ తీసుకోవచ్చు. దీని ద్వారా ప్రతి నెలా అదనపు డబ్బులు పొందొచ్చు.

కరోనా టైమ్‌లో ఈ-కామర్స్ బిజినెస్ గణనీయంగా పుంజుకుందని చెప్పుకోవచ్చు. అందుకే ఈకామర్స్ కంపెనీలు కూడా వాటి ఫ్రాంచైజీలను విస్తరించుకుంటూ వస్తున్నాయి. మీరు కూడా ఈ ఫ్రాంచైజీ బిజినెస్ ప్రారంభించొచ్చు. ప్రతి నెలా అదిరిపోయే రాబడి పొందొచ్చు.

అమెజాన్ డెలివరీ ఫ్రాంచైజీ తీసుకోవచ్చు. దీని ద్వారా ప్రతి నెలా డబ్బులు పొందొచ్చు. మీరు ఒక్క రూపాయి కూడా చెల్లించాల్సిన పని లేదు. అయితే ఎక్కువ స్థలం కావాలి. మీకు కిరాణ షాపు ఉండి, అందులో ఖాళీ ఉంటే.. మీరు సులభంగానే అమెజాన్ ఫ్రాంచైజీ ద్వారా సంపాదన పొందొచ్చు.

అమెజాన్ ఐ హ్యావ్ స్పేస్ ప్రోగ్రామ్ ప్రారంభించింది. ఇందులో భాగంగా మీరు మీ లోకల్ ఏరియాలో అమెజాన్ డెలివరీ సర్వీసులు అందించడ ద్వారా డబ్బులు పొందొచ్చు. ప్రతి డెలివరీకి మీకు కమిషన్ వస్తుంది. అంటే అదనపు ఆదాయం పొందొచ్చు.

మీరు 2 నుంచి 4 కిలోమీటర్ల విస్తీర్ణంలో డెలివరీ చేయొచ్చు. 2 నుంచి 3 గంటల్లో ఈ పని పూర్తి చేసుకోవచ్చు. మీ లొకేషన్ ఆధారంగా అమెజాన్ మీకు డెలివరీ ప్రొడక్టులు అందిస్తుంది. మీకు స్మార్ట్‌ఫోన్, బైక్ ఉండాలి.

ఈ ప్రొడక్టులను డెలివరీ చేస్తే ఒక్కో ప్రొడక్టుకు రూ.15 నుంచి 20 వరకు కమిషన్ పొందొచ్చు. లేదంటే అమెజాన్ డెలివరీ సర్వీస్ పార్ట్‌నర్స్‌గా కూడా చేరొచ్చు. దీనికి రూ.1.5 లక్షల నుంచి రూ.5 లక్షల వరకు ఖర్చు అవుతుంది.